هنحكي ‏لمين ‏اننا ‏كنا ‏نجوب ‏الأدغال؟!

بتخيل و انا في عمري الستين -دا إن عشت يعني للسن ده- بتخيل نفسي انا و صحابي و الخمسة ستة اللي في حياتي اللي اعرفهم من ابتدائي و احنا بنحتسي الجعة في احدى الكازينوهات في لاس فيجاس او بتخيل نفسي انا و الاصدقاء بجوار شاطئ ما في فلوريدا و بنفلرت على فتاة عشرينيه طفلة ماشيه على الشاطئ و نقول "كانت ايام".. و في وسط المشهد الجميل ده نبص للارض بحزن شديد و كل واحد فينا شارد الذهن -او انا بس مش عارف الحقيقة- يجول بخاطره و يقول في نَفسه هنقول لمين اننا يومًا ما كنا نجوب الأدغال و مرينا بمشاكل و سافرنا هنا و هناك و كل مكان فيه لينا ذكريات تحكي عننا و اننا لغاية دلوقتي عايشين على مخزون الذكريات دي.. هنحكي لمين اننا ضحكنا من قلبنا جامد ايام و ايام تانيه كان الحزن ما بيفارقناش.. هنحكي لمين

that we were the kings of all the sarcasm that makes you laugh because beating the crap out of people is illegal.

هنحكي لمين ان احنا حبينا و حكينا و حلمنا و نجحنا و فشلنا و اكتئبنا و اطبطب علينا و طبطبنا احنا برده.. هنحكي لمين اننا عملنا حاجات كتيره في حياتنا و العمر خلص خلاص.

يا ترى لما نوصل للعمر ده هنحكي لمين ده كله؟!